Phone ya WhatsApp (+92 311 2610683) par rabta karein — hamari team aap ke maslay ki noiyat sun kar mutalliqa wakeel se appointment tay karti hai. Pehli mulaqat DHA Phase 2, Karachi office me hoti hai.

Fee case ki noiyat par munhasir hai aur mulaqat se pehle wazeh taur par bata di jati hai — koi chhupi hui raqam nahi. Companies ke liye monthly retainer ka option bhi hai.

Building 28C, Old Sunset Boulevard, Phase 2, DHA, Karachi. Peer se Hafta, subah 9 se raat 8 tak. (Urdu: اولڈ سنسٹ بلیوارڈ، فیز 2، بلڈنگ 28C، ڈی ایچ اے کراچی)

Ji — hum Sindh bhar ki adalaton me pesh hote hain aur Sindh High Court aur Supreme Court of Pakistan me bhi. Karachi se bahar ke moakkalon ke liye WhatsApp par initial consultation mumkin hai.

Bilkul. Wakeel-moakkal taluq me razdari (privilege) bunyadi usool hai — aap ki file, documents aur guftagu teesre fareeq se share nahi ki jati.

Har case ki fee tehreeri estimate ke saath pehle se tay hoti hai — ya to fixed fee ya stage-wise (filing, evidence, final arguments). Bina tehreeri muahide ke koi kaam shuru nahi hota.

Aksar cases me stage-wise payment hi qiston jaisa nizam hai — aap har marhale par adaigi karte hain. Tafseel consultation me tay hoti hai.

Wakeel ki fee mehnat aur waqt ki hoti hai, natijay ki zamanat nahi — ye Pakistan Bar Council ke zabtay ke mutabiq hai. Hum case ki mazbooti ka imandaranah andaza pehle din de dete hain.

Khud thane jane se pehle wakeel se rabta karein. Aap ko apne khilaf bayan dene par majboor nahi kiya ja sakta. Hum aksar thane ke marhale par hi muamla hal karwa lete hain.

Teen rastay: pre-arrest bail (498 CrPC), FIR quashment (agar jhooti ho), ya giraftari ke baad post-arrest bail (497 CrPC) ke saath trial ka difa. Kaun sa rasta — ye FIR parh kar tay hota hai.

Jurm aur adalat ke bojh par munhasir hai. Zamanat ka muamla hum tarjeeh par chalate hain taake aap azad reh kar apna difa kar saken.

Family Court ki decree ke baad 90 din me Union Council se 'effectiveness certificate' lena lazmi hai — isi se talaq/khula qanuni taur par moassar hoti hai aur NADRA record update hota hai.

Adalat visitation schedule banati hai — aam tor par haftawar mulaqat, Eidain aur school holidays ki taqseem. Hum aap ke kaam ke auqat ke mutabiq schedule ki darkhwast karte hain.

Wursa me ittefaq ho to NADRA facilitation unit se chand hafton me; ikhtilaf ki surat me Sindh High Court se letter of administration me zyada waqt lag sakta hai.

Bina tehreeri bayana agreement ke nahi. Hum token se pehle title verification aur phir registered agreement to sell ka mashwara dete hain.